Amérika erkinlik sariyi: xitay dölet re'isining wezipe mudditini bikar qilish layihesi ümidimizni sugha chilashturdi

Muxbirimiz shöhret hoshur
2018-02-26
Élxet
Pikir
Share
Print

Xitay kompartiyesining xitay dölet re'isining asasi qanundiki wezipe muddet cheklimisini bikar qilish heqqidiki teklip layihesige qarita amérikidiki erkinlik sariyi inkas qayturdi.

Erkinlik sariyi bügün élan qilghan bayanatta mundaq déyildi؛ "Dölet re'isining wezipe mudditi cheklimisining bikar qilinishi, bizge, xitayda buningdin kéyin xelqqe qarita bésimning téximu ashidighanliqi, hakimiyetning diktatoriliqta téximu ilgirileydighanliqidin bésharet béridu".

Bu layihining xongkong we teywendiki démokratik hawagha qarita bir shum xewer ikenliki eskertilgen bayanatta, xitayning dunyaning tertipini özgertish, yeni démokratik qa'idiler yoqalghan yaki ajizlashqan bir dunya berpa qilishqa urunushining buningdin kéyin téximu küchiyish we kéngiyish xewpi tilgha élindi. Erkinlik sariyining prézidénti maykil abromowtiz bu heqtiki bayanida: "Amérika bügün'ge qeder xitay qudret tapsa, démokratik özgirish tebi'iy halda yüz béridu, dep qarap we heriket qilip kelgen؛ mezkur layihe bu ümidni pütünley sugha chilashturdi".

Amérika erkinlik sariyi dunyadiki démokratik tereqqiyatlarni közitish we uninggha yardem bérish meqsitide qurulghan xelq'araliq bir teshkilattur. 1941-Yili qurulghan bu teshkilat nöwette dunyada 2 yérim milyard insanning erkinliktin mehrum yashawatqanliqi we özlirining ular üchün xizmet qilidighanliqini ilgiri süridu.

Toluq bet