Ши җинпиңниң меңә өсмиси һәққидики хәвәрләр ахбарат вастилиридин йәр алмақта

Мухбиримиз әзиз
2022.05.17
Share on WhatsApp
Share on WhatsApp

Хитай рәиси ши җинпиңниң меңә қан томур өсмисигә гириптар болғанлиқи дунядики һәрқайси ахбарат вастилиридин кәң йәр еливатқан болуп, бу һәқтики хәвәрләр алиқачан хитайда қәтий мәний қилинған темилардин болуп қалған.

Әнглийәдики “күндилик почта” гезитиниң 15-майдики хәвиридә ейтилишичә, бу йил 68 яшқа киргән ши җинпиңниң меңә қан томур өсмисигә гириптар болғанлиқи охшимиған мәнбәләрдин мәлум болмақта икән. Нөвәттә ши җинпиңниң буни оператсийә қилдуруш нийитиниң йоқ икәнлики, пәқәт әнәниви хитай тибабити бойичә дора йәватқанлиқи һәққидиму хәвәрләр оттуриға чиқмақта икән. Йәнә бәзи толуқсиз мәлуматлар болса ши җинпиңниң 2021-йилиниң ахири меңисигә қан чүшкәнлики сәвәбидин бир қетим дохтурханиға барғанлиқини алға сүридикән.

“сода дуняси” гезитиниң бу һәқтики хәвиридә ейтилишичә, ши җинпиңниң кесәллики һәққидики һәрқандақ язма хитайдики һәрқандақ тор бәтләрдин тездин өчүрүлмәктә икән. Бәзиләр мушу һалға қарап буниң раст болуши мумкинликини алға сүрмәктә икән. Мәлум болушичә, меңә қан томур өсмиси адәттә томур йерилмиғучә байқалмайдиған болуп, дора билән давалаштин тартип оператсийә қилғучә болған охшимиған усуллар қоллинилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.