Хитай сақчилири ши җинпиңниң һәҗвий рәсимини торда елан қилған кишини қолға алди

Мухбиримиз ирадә
2015-05-28
Share

Хитай сақчи даирилири дөләт рәиси ши җинпиңниң рәсимини һәҗвийләштүрүп интернетта елан қилған шаңхәйлик бир рәссамни қолға алған.

Дәй җйәнюң исимлик бу киши адәттә хитайдики вейбо қатарлиқ иҗтимаий алақә тор бетидики һесабиға давамлиқ һалда еғзи вә бурунлири алаһидә йоғанлитилған һәҗвий киши рәсимлирини яки болмиса аяли вә иккисиниң һәҗвий рәсимлирини елан қилип туридиған болуп, бир күни у һесабида хитай дөләт рәиси ши җинпиңниң еғзи алаһидә йоғанлитилған вә йоған бурут қоюлған бир парчә һәҗвий рәсимини елан қилған.

Бирақ, сәйшәнбә күни кәчтә у аяли билән өйигә қайтип кәлгинидә ишик алдида сақлап турған бир мунчә сақчилар билән қаршилашқан. Сақчилар униңға "малиманчилиқ" туғдурғанлиқини ейтип, уни сақчиханиға елип кәткән. Рәссамниң аяли җу иди бирләшмә агентлиқиниң мухбириға илгири йолдишиниң сабиқ дөләт рәиси ху җинтавниңму нурғун һәҗвий рәсимлирини елан қилғанлиқини, бирақ һечқачан бундақ бир әһвал билән қаршилишип бақмиғанлиқини ейтип бәргән. У "бу рәсимдә һечқандақ бир сиясий мәқсәт йоқ иди" дегән.

Хитай кишилик һоқуқ қоғдиғучилири тәшкилати вәқә һәққидики баянатида, ши җинпиң дәвридә хитай пуқралириниң пикир әркинликиниң техиму қаттиқ қамал астиға елинғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт