"ши җинпиң дөләтни идарә қилиш тоғрисида" ниң 2‏-томи уйғурчиға тәрҗимә қилип тарқитилған

Мухбиримиз әркин
2019-05-31
Share

"ши җинпиң дөләтни идарә қилиш тоғрисида" намлиқ китабниң 2‏-томи йеқинда уйғурчә, тибәтчә, моңғулчә, қазақчә, корейәчидин ибарәт 5 хил тилға тәрҗимә қилинип бирла вақитта тарқитилған.

Униңға ши җинпиңниң 2014-йили 8‏-айдин 2017‏-йили 9‏-айғичә болған мәзгилдики сөзи, сөһбити, нутиқи, йолйоруқи вә тәбрик телеграммиси қатарлиқ 99 мақалә 29 парчә рәсим киргүзүлгән. Бу китабниң хитай һөкүмити 2 милйондәк уйғур, қазақ қатарлиқ мусулман түркий хәлқләрни йиғивелиш лагерлириға қамап, уларниң мәдәнийити, тили, диний етиқади вә өрп-адәтлирини бирдәк чәклигән, уйғур җәмийитигә қарита омумйүзлүк тәқибләшни йолға қойған бир мәзгилдә 5 хил тилға тәрҗимә қилинип тарқитилиши диққәт қозғимақта.

Көзәткүчиләрниң илгири сүрүшичә, бу китабниң аз санлиқ милләтләр тилиға тәрҗимә қилиниши бу районларда идеологийәлик контроллуқниң давамлиқ күчәйтилидиғанлиқини көристидикән. Ши җинпиң 2016‏-йилдин башлап компартийә ичидики бәзи шовинист кадир вә мутәхәссисләрниң "2‏-әвлад милләтләр сиясити" тәшәббусини қобул қилип, аз санлиқ милләтләрни омумйүзлүк мәҗбурий хитайлаштурушқа башлиған. Униң сиясити уйғур аптоном районида 2 милйондәк уйғур, қазақ вә башқа милләтләрниң лагерларға қамилишини кәлтүрүп чиқарған. Бу ғәрб демократик дөләтлириниң вә хәлқара кишилик һоқуқ тәшкилатлириниң қаттиқ тәнқидигә учрап, "бу 1930‏-йиллардин бери көрүлүп бақмиған әң зор кишилик һоқуқ кризиси" дәп тәкитләнгәниди. Лекин, "шинҗаң гезити" ниң 31‏-май хәвиридә бу китабта "ши җинпиңниң йеңи дәвр җуңгочә сотсиялизм идийәсиниң тәрәққият томури вә асаслиқ мәзмуни мәркәзлик әкс әттүрүлгән" лики илгири сүрүлгән.

Хәвәрдә қәйт қилинишичә, бу китаб миллий районлардики "һәр қайси милләтләрниң улуғ вәтәнни етирап қилиши, җуңхуа миллитини етирап қилиши, җуңхуа мәдәнийитини етирап қилиши, җуңго компартийәсини етирап қилиши, җуңгочә сотсиялиизимни етирап қилишини үзлүксиз күчәйтидикән." лекин кишилик һоқуқ тәшкилатлириниң илгири сүрүшичә, уйғурларниң һазирқидәк кәң көләмлик лагерларға қамилип, кишилик һоқуқниң еғир дәпсәндә қилинишида ши җинпиңниң еғир җавабкарлиқи бар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт