Ши җинпиң 20-қурултайда қаидини бузуп, “хитайниң мутләқ рәһбири” болуш қәдимини басқан

Мухбиримиз җәвлан
2022.10.24
Share on WhatsApp
Share on WhatsApp
Ши җинпиң 20-қурултайда қаидини бузуп, “хитайниң мутләқ рәһбири” болуш қәдимини басқан Хитай компартийәсиниң 20-қурултийида елан қилинған хитай компартийәси мәркизий комитети сиясий бюросиниң йеңи нөвәтлик даимий һәйәт әзалири ши җинпиң билән биллә сәһнидә. 2022-Йили 23-өктәбир, бейҗиң.
AP

Хитай компартийәсиниң 20-қурултийи 22-өктәбир күни аяғлашти. Хитай компартийәсиниң баш секритари ши җинпиң, хитай компартийәсиниң икки қарардин артуқ баш секритар болмаслиқ қаидисини бузуп, 3-қетим баш секритар болди.

Бу қурултайда хитай компартийәси мәркизий комитети сиясий бюросиниң даимий һәйәт әзлири, һәйәт әзалири вә кандидат әзалири “сайлап чиқилған” болуп, уларниң һәммиси дегүдәк ши җинпиңниң адәмлиридин тәшкил тапқан.

Хитай компартийәсиниң сабиқ баш секритари ху җинтавниң тәрәпдарлири дәп қаралған ли кечияң, ваң яң, ху чүнхуа қатарлиқларниң һәммиси бирдәк сиясий бйорудин чиқириветилгән. Ху җинтавниң өзиму қурултайниң ахириқи мәйдандики хитай компартийәси мәркизий комитетиниң йеңи нөвәтлик әзалирини елан қилиш әснасида йиғин мәйданидин сөрәп елип кетилгән.

Шаңхәй шәһәрлик парткомниң баш секритари, шаңхәйни қамал қилишта төһпә қошқан ли чияң билән бейҗиңдики төвән киримлик пуқраларни һәйдәп чиқарған сәй чи қатарлиқлар сиясий бйорониң даимий һәйәт әзаси болған.

Чәт әл таратқулири бу һәқтә көплигән мақалиләрни елан қилип, ши җинпиңниң бу қетим өзигә садиқ адәмлирини топлап, өз һоқуқини техиму чоңайтип, тарихтики әң чоң мустәбит сталин вә мав зедуңниң йолини тутуп, хитайни заваллиқ йолиға башлаватқанлиқини оттуриға қойған.

“нйо-йорк вақти гезити” дә елан қилинған бир мақалидә көрситилишичә, ши җинпиң бу қурултайда “икки қарардин артуқ вәзипә өтимәслик” қаидисини бузғандин башқа, “68 яшта иккинчи сәпкә чекиниш” қаидисиниму бузған болуп, 67 яшлиқ ли кечияңни сиясий бийородин чиқириветип, 72 яшлиқ һәрбий әмәлдар җаң йошяни сиясий бйорониң әзаси қилип сақлап қалған. явро-асия сиясий тәтқиқат мәркизи хитай сиясити анализчиси нил томасниң қаришичә, хитай һазир ши җинпиңниң һоқуқи мутләқ кеңәйгән бир дәвргә киргән болуп, ши җинпиң буниңдин кейин сиясий контроллуқни күчәйтидикән, дөләт иқтисадини монопул қилидикән, дипломатийәдә қаттиқ сиясәт қоллинидикән.

“бломберг” торида елан қилинған бир мақалидә тәһлил қилинишичә, ши җинпиңниң хитайда мутләқ һөкүмдар болуши, нопуси әң көп бир дөләтниң заваллиққа йүзлиниши вә кәлгүсидики дуняниң малиман болуш хәвпини күчәйтидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.