Obama xitayning kishilik hoquq xatirisini tenqid qildi


2015.09.26

Prézidént obama xitay re'isi shi jinping bilen körüshkendin kéyin élan qilghan birleshme bayanatida xitayning mesililer bilen tolup ketken kishilik hoquq xatirisini tenqid qildi.

U mundaq dédi: men bizning zhurnalist, adwokat, hökümetsiz teshkilat we ammiwi teshkilatlarni pa'aliyet qilishtin tosush, chérkawlarni taqash hemde étnik az sanliq milletlerge barawer mu'amile qilmasliqni éghir mesile dep qaraydighanliqimizni semimiy ipadilidim.

U yene mundaq dédi: men amérikining yighilish erkinliki, axbarat erkinliki we diniy étiqad erkinlikini öz ichige alghan kishilik hoquq, barliq xelqlerning négizlik erkinlikini qollashta meydani qet'iy ikenlikini mu'eyyenleshtürdüm.

Xitay re'isi shi jinpingmu xitayning kishilik hoquq mesilige yéqindin diqqet qilip kéliwatqanliqini éytqan bolsimu, islahatning öz waqti sa'itide kélidighanliqini bildürdi.

U “Démokratiye we kishilik hoquqning pütkül insaniyetning ortaq arzusi” ikenlikini éytqan bolsimu, amérika bilen xitayning oxshimaydighan tarix we perqliq ré'alliqqa ige ikenlikidin ibaret kona diplomatik bayanlarni qayta tekrarlap mesilining négizidin özini qachurdi.

Xitay re'isi shi jinping 24 we 25- séntebir amérika paytextide ziyarette bolghan. Uning ziyariti Uyghur, tibet we xitay démokratliri qatarliq öktichi teshkilatlarning küchlük naraziliq namayishigha duch kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.