Béyjingda yüz bergen shi jinpinggha qarshi sho'ar ésish weqesi küchlük gholghula qozghighan

Muxbirimiz jewlan
2022.10.14
Share on WhatsApp
Share on WhatsApp

10-Ayning 13-küni béyjingning eng awat ötüshme köwrükliridin birige shi jinpinggha qarshi sho'ar ésilghandin kéyin xitayning ichi we sirtida küchlük inkas peyda bolghan.

Tiwittér qatarliq ijtima'iy alaqe wasitiliride bu heqte köpligen uchurlar tarqalghan, xelq'ara taratqularmu “Alahide waqit, alahide orunda yüz bergen bu weqe” ge a'it xewer-mulahizilerni élan qilghan.

En'gliyediki “Muhapizetchi” torining bu heqte bergen xewiride éytilishiche, shi jinping qayta hakimiyet béshigha chiqimen dewatqanda, qurultay wekilliri yighilghan béyjingda uninggha qarshi sho'arning ésilishi pewqul'adde ehmiyetke ige weqe iken. Xitay tor saqchiliri keng kölemlik heriketke kélip, barliq uchurlarni öchürüp tashlighan we uni tarqatqanlarning hésabini taqighan.

Xitay pa'aliyetchilirining tiwittérdiki uchurliridin melum bolushiche, köwrükke sho'ar ésip tutulghan adem péng lifa isimlik bir xizmetchi bolup, bu yil 48 yashqa kirgeniken. U ishchi qiyapitide yasinip köwrükke chiqip lozunkini asqan we shi jinpinggha qarshi sho'ar towlighan, diqqetni qozghash üchün köwrükke is qoyup bergen. Xitay saqchiliri derhal kélip uni tutup ketken. Bu weqe xelq'araliq weqege aylinip ketkenliki üchün, xitay hökümiti uni muddetsiz qamaqqa yaki ölümge höküm qilishi mumkin iken.

Bu weqedin kéyin, béyjing sheherlik hökümet jiddiy tedbir qollinip, her bir köwrükke qaraydighan adem qoyghan we ish heqqini 280 yüendin 320 yüen'giche békitken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.