Доналд трамп билән ким җоңун сөһбәт үчүн ханойға йетип кәлди
2019.02.26
Америка президенти доналд трамп билән шималий корейә рәһбири ким җоңун иккинчи қетимлиқ сөһбәт үчүн арқиму арқидин вийетнамниң пайтәхти ханойға йетип кәлгән.
“вашингтон почтиси” гезитиниң 26-февралдики хәвиридә ейтилишичә, америка президенти доналд трамп сәйшәнбә күни ахшими айропилан билән ханойға кәлгән.
Шималий корейә рәһбири ким җоңун болса униңдин илгирирақ пойиз билән 70 нәччә саәт йол йүрүп бейҗиң арқилиқ ханойға кәлгән. Мәлум болушичә, бу уларниң иккинчи қетимлиқ рәсмий көрүшүши һесаблинидикән. Рәсмий сөһбәт 28-феврал күни башлинидикән.
Хәвәрдә көрситилишичә, доналд трамп бу қетимқи сөһбәт арқилиқ ким җоңунни ядро қораллар системисини бикар қилишқа көндүрүшни мәқсәт қилған. Һалбуки, “ядросизландуруш” ниң һазирчә бирәр ениқ тәпсилий лайиһиси йоқ болуп, ким җоңунму бу тоғрилиқ бирәр ениқ вақит чекини бәлгилимигән. Доналд трамп бу һәқтә сөз қилип: “уларниң ядросизландурушни әмәлгә ашуруши шималий корейәниң иқтисадий җәһәттин параванлиққа йүзлинишигә йол ачиду” дегән.
Хәвәрләрдин мәлум болушичә, рәсмий сөһбәт башлиништин илгири иккийлән ғәйрий рәсмий йосунда биллә ғизалинидиған болуп, пәйшәнбә күнидики толуқ сөһбәттин иҗабий нәтиҗиләрниң чиқиши үмид қилинмақта икән.
Көп көрүлгән хәвәрләр
RFA
- Мәмәт езиз садиқ түркийә сотида хитай үчүн җасуслуқ қилиш җинайити билән әйиблинип 12 йиллиқ қамаққа һөкүм қилинған
- Түркийә соти тунҗи қетим, әркин абдувәли исимлик уйғурни хитайға қайтуруп бериш қарарини елан қилди
- Қәшқәр пәйзиватта аһалиләр роза тутмайватқанлиқи һәққидә мәсул кадирларға испат йоллашқа мәҗбурланған
- Фирансийә мәтбуатлири: хитайниң дилнур рәйһан үстидин әрз қилиши әдлийә җәһәттин паракәндичилик селиштур
- Ма шиңруй: “американиң шинҗаңға йүргүзгән ембаргоси 144 дин артуқ карханиға тәсир қилди”