Donald tramp bilen kim jong'un söhbet üchün xanoygha yétip keldi

Muxbirimiz eziz
2019.02.26
Share on WhatsApp
Share on WhatsApp

Amérika prézidénti donald tramp bilen shimaliy koréye rehbiri kim jong'un ikkinchi qétimliq söhbet üchün arqimu arqidin wiyétnamning paytexti xanoygha yétip kelgen.

“Washin'gton pochtisi” gézitining 26-féwraldiki xewiride éytilishiche, amérika prézidénti donald tramp seyshenbe küni axshimi ayropilan bilen xanoygha kelgen.

Shimaliy koréye rehbiri kim jong'un bolsa uningdin ilgiriraq poyiz bilen 70 nechche sa'et yol yürüp béyjing arqiliq xanoygha kelgen. Melum bolushiche, bu ularning ikkinchi qétimliq resmiy körüshüshi hésablinidiken. Resmiy söhbet 28-féwral küni bashlinidiken.

Xewerde körsitilishiche, donald tramp bu qétimqi söhbet arqiliq kim jong'unni yadro qorallar sistémisini bikar qilishqa köndürüshni meqset qilghan. Halbuki, “Yadrosizlandurush” ning hazirche birer éniq tepsiliy layihisi yoq bolup, kim jong'unmu bu toghriliq birer éniq waqit chékini belgilimigen. Donald tramp bu heqte söz qilip: “Ularning yadrosizlandurushni emelge ashurushi shimaliy koréyening iqtisadiy jehettin parawanliqqa yüzlinishige yol achidu” dégen.

Xewerlerdin melum bolushiche, resmiy söhbet bashlinishtin ilgiri ikkiylen gheyriy resmiy yosunda bille ghizalinidighan bolup, peyshenbe künidiki toluq söhbettin ijabiy netijilerning chiqishi ümid qilinmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.