Shimaliy koréye rehbiri kim jungunning aliy derijilik yardemchisi “Qatnash weqesi”de ölgen

Muxbirimiz erkin
2015.12.30

Shimaliy koréye rehbiri kim jungunning aliy derijilik yardemchisi, shimaliy koréye emgek partiyesi birliksep bölümining bashliqi kim yanggon seyshenbe küni yüz bergen bir qétimliq “Qatnash weqesi” de ölgen.

Kim yanggun pyongyangning jenubiy koréye ishlirigha mes'ul emeldari idi. Shimaliy koréye merkizi axbarat agéntliqi charshenbe küni bergen xewiride, kim yanggunni kim jung'unning “Yéqin yoldishi, mustehkem inqilabiy yoldishi” dep teripligen.

Kim yanggun bu yil 8‏-ayda shimaliy koréyening jenubiy koréye bilen élip barghan söhbitige rehberlik qilghan. Bu yil jenubiy koréyening prongyanggha qarshi radi'o teshwiqatini eslige keltürüshi shimal bilen jenub otturisidiki herbiy toqunushni keltürüp chiqarghan idi.

Emma ikki terep penmunjum urush toxtitish nuqtisida söhbet élip bérip, kélishim hasil qilghan. Netijide, jenubiy koréye radi'o teshwiqatini toxtatqan, shimaliy koréye özining chégradiki ighwagerchilik herikitidin epu sorighan idi.

Bezi xewerlerde ashkarilishiche, kim yanggun 2007‏-yili sabiq shimaliy koréye rehbiri kim jung'il bilen jenubiy koréye prézidénti ro téywuning öz ara uchrushishida yétekchilik rol oynighan shexslerning biriken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.