Kim junyun shimaliy koriyening uzun musapiliq bashqurulidighan bomba qurulushining pütüsh aldida ikenlikini bildürdi

Muxbirimiz ümidwar
2017-01-01
Share


Shimali koriye rehbiri kim junyun öz dölitining "Qit'eler ara uzun musapiliq bashqurulidighan bomba yasash xizmitining axirqi basquchqa kirgenliki"ni körsetken,

B b s agéntliqining xewer qilishiche, kim jungyun bu uchurni özining yéngi yilliq nutuqida éytqan.

Melumki shimali koriye 2016-yili we uningdin ilgiri birleshken döletler teshkilati we xelq'ara jemiyetning agahlandurishigha qarimay, köp qétimbashqurulidighan bomba siniqi élip barghan idi.

Piyongyang da'iriliri xelqara jemiyetning eyiblishi we imbargolirigha qarshi özining bashqurulidighan bomba texnikisini rawajlandurghan.

Kim junyun sözide yene shimaliy koriyening herbiy küchini kökke kötürüp,"Ötken yili shimaliy koriye dölet mudapi'esi,emeliy küchi jehette tarixiy burulushni emelge ashurdi, shimaliy koriye sherqtiki küchluk yadro dölitige we herbiy jehettin qudretlik döletke aylandi" dégen.

Kim junyun ilgiri öz herbiy küchini debdebe qilip, bir qanche qétim jenubiy koriye qatarliq döletlerni agahlandurghan idi.

U bu qétimqi sözide yene shimali koriyening tunji qétim wodrod bombisi siniqi élip barghanliqinimu tilgha alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet