Хитай даирилириниң "шинҗаң муһаҗирлар бирләшмиси" йиғини чақириши диққәт қозғиди

Мухбиримиз ирадә
2021-03-31
Share

Хитай даирилириниң "шинҗаң муһаҗирлар бирләшмиси" йиғинини чақирип, муһаҗирлар хизмитини күчәйтишни тәләп қилиши диққәт қозғиди.

Хитай хәвәрләр ториниң хәвиридин қариғанда, 31-март күни чақирилған йиғинда уйғур районлуқ муһаҗирлар бирләшмисиниң муавин рәиси рен чең сөз қилип, "чәтәлләрдики муһаҗирлар қурулушлирини қанун билән идарә қилиш хизмитидә тохтимай йеңи вәзийәт яритип, тәшкилий рәһбәрликни күчәйтиш керәк, чәтәлдики муһаҗирлар бирләшмилири әмәлийәткә асасән усулни йеңилиши керәк" дегән.

У йәнә муһаҗирларниң асасий қанун вә чәтәлләрдики муһаҗирларға мунасивәтлик қанун-низамларни өгиниш вә тәшвиқ қилишни зор күч билән қанат яйдурулуши керәкликини тәкитлигән.

Уйғур район даирилириниң муһаҗирлар хизмитини күчәйтишни тәкитлиши диққәт қозғиди. Чәтәлләрдики уйғур көзәткүчиләр хитай һөкүмитиниң һәрқайси дөләтләрдә аталмиш "шинҗаңлиқ муһаҗирлар җәмийити" қатарлиқларни шу дөләтләрдә турушлуқ уйғур җамаитини назарәт қилиш вә башқуруштәк мәқсәтлири үчүн хизмәт қилдурғанлиқини, бундин кейин бундақ һәрикәтлирини күчәйтишкә тәйярлиниватқан болуши мумкинликини пәрәз қилишмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт