Shwétsariye tashqi ishlar ministiri xitay terep bilen uchrashqanda Uyghurlar mesilisini otturigha qoyghan

Muxbirimiz irade
2019-10-23
Élxet
Pikir
Share
Print

Shwétsariye tashqi ishlar ministiri ignaziyo kasiss xitay tashqi ishlar ministiri wang yi bilen uchrashqanda Uyghurlarning mesilisini otturigha qoyghan.

"Shwétsariye uchurliri" namliq gézitning xewer qilishiche, nöwette shwétsariyede resmiy ziyarette boluwatqan boluwatqan xitay tashqi ishlar ministiri wang yi 22-öktebir seyshenbe küni shwétsariye tashqi ishlar ministiri ignaziyo kasiss bilen uchrashqan.

Shwétsariye hökümet tereptin bérilgen bayanattin qarighanda, shwétsariye tashqi ishlar ministiri söhbet jeryanida xitay terepke shwétsariye hökümitining Uyghur we tibet qatarliq milletlerning weziyiti hem shundaqla xongkongning nöwettiki weziyiti heqqidiki endishilirini otturigha qoyghan.

Ignaziyo kass bayanatta, kishilik hoquq mesilisi ikki terep söhbitidiki muhim toluqlighuchi amil boldi, dégen. Emma söhbetlerde xitay terepning buninggha qandaq inkas qayturghanliqi éniq emes.

Melum bolushiche, xitay, shwétsariyening 3-chong tijaret shériki bolup, ikki terepning 2018-yilidiki tijaret hejmi 44 milyard dollarni ashqan. Ikki dölet tashqi ishlar ministirliri seyshenbe künidiki uchrishishida xitayning "Bir belwagh bir yol qurulushi" gha a'it qurulush türliri heqqidimu söhbetleshken.

Shwétsariye terepning kishilik hoquq mesilisini tijariy menpe'etlerge qarimay otturigha qoyushi kishilik hoquq pa'aliyetchilirining alqishigha érishti. Kishilik hoquq organliri herqaysi dölet hökümetlirini xitay bilen bolghan herqandaq bir resmiy uchrishishta kishilik hoquq mesilisini bolupmu nöwette Uyghur élide yüz bériwatqan éghir kishilik hoquq krizisini otturigha qoyushni telep qilip kelmekte.

Toluq bet