Amérika, xitayda qolgha élin'ghan shiwétsiyelik pa'aliyetchilerning mesilisige diqqet qiliwatqanliqini bildürdi

Muxbirimiz erkin
2016.01.22

Amérika dölet ishlar ministirliqi xitayda qolgha élin'ghan shiwétsiyelik pa'aliyetchi pétir dahlin bilen shiwétsiye tewelikidiki xongkongluq kitabpurush guy mingxeyning mesilisige diqqet qiliwatqanliqini bildürdi.

Xitay hökümiti bu ikkiylenni xitay merkizi téléwiziye qanilining programmisigha chiqirip, “Jinayiti” ni “Iqrar” qildurghan.

Amérika dölet ishlar ministirliqi bayanatchisi mark tonér peyshenbe künlük axbarat yighinida tekitlep, “Xitayda yéqindin buyan yawropa puqralirini öz ichige alghan téximu köp kishi hökümet axbarat wasitiliride jinayitini iqrar qilishqa mejburliniwatidu. Amérika bu ishqa diqqet qilidu” dédi.

Mark tonérning qeyt qilishiche, bu kishiler köp hallarda soraq qilinishtin burun yaki teptish da'iriliri eyibleshtin awwal özining jinayitini iqrar qilishqa mejburlan'ghan. Beziler héchqandaq qanun yaki konsul yardimige érishelmigen yaki xitaygha qanunsiz élip kétilgen.

Mark tonér yene, xitay hökümiti qanun bilen bashqurushni tekitlisimu, emma u buninggha muxalip heriket qiliwatqanliqini bildürdi.

Pétir dahlin burun bir insanperwerlik yardem orginida ishligen bolup, u 3‏-yanwar béyjing ayrodromida qolgha élin'ghan. U 19‏-yanwar xitay merkizi téléwiziye qanilida özining “Xitay qanunigha xilapliq qilghanliqi” ni iqrar qilghan. Emma xitayning bu herikiti kishilik hoquq teshkilatlirining qattiq tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.