Сичүән өлкисидә тағ сийрилиш вәқәси йүз берип, аз дегәндә 15 адәм өлгән

Мухбиримиз җүмә
2017.06.24
Share on WhatsApp
Share on WhatsApp

Җүмә күни кәчқурун хитайниң сичүән өлкисидә тағ сийрилиш вәқәси йүз берип, аз дегәндә 15 адәм өлгән, йәнә көплигән адәмниң дерики болмиған.

Хитай ахбаратлириниң хәвәр қилишичә, вәқә шу җай вақти кәчқурун саәт 6 дә мавшән наһийисиниң шимо кәнтидә йүз бәргән. Шу күни саәтләп яғқан қаттиқ ямғурдин кейин тағ сийрилип чүшкән. Нәтиҗидә аз дегәндә 40 өй таш арилашқан патқақларниң астиға көмүлүп қалған. Нөвәттә 15 адәмниң рәсмий қаза қилғанлиқи дәлләнгән болсиму, 120 адәмниң из-дерики болмиған.

Шинхуа ахбарати дәсләпки хәвиридә тағ сийрилиш вәқәсидин кейин из-дерики болмиғанлар санини 141 дәп елан қилған иди. Бу сан кейин 121 гә чүшүрүлгән. Шинху агентлиқиниң хәвәр қилишичә, тағдин еқип чишкән таш вә патқақлар мәзкур наһийә тәвәсидики дәряниң икки километир бөликини тосуп қойғандин башқа, 1 йерим километирдин артуқ йолни бузувәткән. Нөвәттә наһийигә киридиған йол еғизлири тосулуп җиддий қутқузуш елип берилмақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт