Amérika maliye ministiri jenét yéllén, amérikaning sirek topida xitaygha tayinishni azaytmaqchi ikenlikini bildürdi

Muxbirimiz erkin
2022.07.18
Share on WhatsApp
Share on WhatsApp

Amérika maliye ministiri jenét yéllén, amérikaning az uchraydighan qimmetlik minéral madda bolghan sirek topa, quyash énérgiyesi taxtisi we bashqa halqiliq mehsulatlarda xitaygha tayinishni azaytmaqchi ikenlikini bildürgen. Uning éytishiche, amérika bu arqiliq xitayning bashqa döletlerge qilghandek amérikaghimu teminleshni üzüp tashlishining aldini almaqchi iken.

Roytérs agéntliqining xewer qilishiche, 18-iyul düshenbe küni jenubiy koréye paytexti sé'olgha yétip kelgen jennét yéllén, sé'olda roytérs agéntliqigha, özining koréye we bashqa ishenchlik ittipaqdash döletler bilen bolghan soda alaqisini kücheytip, teminlesh zenjirining berdashliq bérish iqtidarini yaxshilashni, gé'o-siyasiy reqiblirining kontrolluqining aldini élishqa heriket qilidighanliqini éytqan.

Jennét yéllén mundaq dégen: “Berdashliq béridighan bir teminlesh zenjiri köp xil teminlesh menbesidin dérek béridu, shundaqla géo-siyasi reqiblirimizning bizni kontrol qilip, bixeterlikimizge tehdit sélish éhtimalliqining aldini alidighanliqini körsitidu.” jennét yéllénning éytishiche, xitay ilgiri “Zorluq ishlitip, uning qilmishini qobul qilmaydighan birqisim döletlerge bésim ishletken. U ؛ “Bu bizning xitaygha tayinip qélishimizni xalimasliqimizdiki bir seweb ikenlikini bilimiz” dep körsetken.

Roytérs agéntliqining éytishiche, yuqiri derijilik bir amérika maliye ministirliqi emeldari, béyjingning ilgiri yaponiyege sirek topa éskport qilishni üzüp tashlishini awstraliye, litwa qatarliq döletlerge bésim ishlitishte qollinishidin kéyin, amérikaning xitaygha tayinishni azaytishi achquchluq mesilisige aylghan'ghanliqini bildürgen. Roytérs agéntliqining éytishiche, gerche jennét yéllén xitay toghrisida qattiq sözlerni qilghan bolsimu, biraq u yene xitay bilen bolghan munasiwetning “Pütünley selbiy yaki nahayiti éghir düshmenlik derijisige kéngeymigenliki” ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.