Xitayning ayfon yasaydighan fushikang zawuti ishchiliri isyan kötürgen

Muxbirimiz jewlan
2022.11.23
Share on WhatsApp
Share on WhatsApp

Amérikaning iqtisad xewerliri qanili bolghan CNBC we ruytrés agéntliqining xewer bérishiche, xitayning ayfon qatarliq éléktr üsküniliri yasaydighan fushikang (Foxconn) zawutining nechche yüz ishchisi hökümetning yuqumni tizginlesh siyasiti we zawutning xarablashqan weziyitige naraziliq bildürüsh herikiti qozghighan.

Xewerde körsitilishiche, jéngjudiki fushikang zawutining ishchilargha béridighan mukapat pulini arqigha sürgenliki bu naraziliq herikitining bashlinishigha seweb bolghan. Xitayda kem körülidighan bu heriket mezkur zawutta yüz bergen qamal siyasitige qarshi naraziliqning ewjige chiqqan haliti dep qaralmaqtiken.

Bu ishchilar 23-noyabir küni etigende fushikang zawutining aldigha kélip “Ish heqqimizni ber” dep sho'ar towlap naraziliq bildürgen hemde zawutning aldi derwazisidiki kaméralarni chéqiwetken. Yerlik hökümet küchliri ulargha yash aqquzush bombisi atqan.

Jéngjudiki fushikang zawuti eslide 200 ming ishchini qobul qilghan bolup, yuqumni qamal qilish siyasiti keltürüp chiqarghan malimanchiliqta nechche minglighan ishchi zawut qorusidin qéchip ketken. Zawut ularni tutup qélish üchün yuqiri ma'ash we mukapat bérishni wede qilghan, emma bermigen.

Jéngjudiki fushikang dunya boyiche eng chong ayfon ishlepchiqirish zawuti bolup, dunyadiki 70 pirsent ayfon bu zawuttin chiqidiken. Nöwette bu zawutning ishlepchiqirishi toxtap qalghan bolup, bu ayning axirighiche emgek küchi tépip ishlepchiqirishni eslige keltürüshi mumkin emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.