Xitayning soda jinayitige qarshi turush we amérika ishchilirining hoquqni qoghdash qanun layihisi maqullandi

Amérika dölet mejlisi awam palata ezasi eshli hinson (Ashley Hinson) tonushturghan “Amérika sana'iti we emgikini xelq'ara soda jinayetliridin qoghdash qanun layihesi” yéqinda awam palatasi teripidin maqullan'ghan.

Bu qanun amérika edliye ministirliqining xelq'ara soda jinayetlirini tekshürüsh we jazalash xizmitini kücheytip, kommunist xitayning tamozhna béji etkeschiliki, mal qachurush, mejburiy emgek we bashqa soda jinayetliridin hésab élish, shundaqla amérika sana'iti we ishchilirining menpe'etini qoghdash rolini oynaydiken.

“Musteqil xewerler zhurnili” (IBJ) bu heqte bergen xewerge qarighanda, awam palata ezasi eshli hinsun bu qanun layihesining maqullinishi munasiwiti bilen qilghan sözide, on nechche yildin buyan xitay hökümitining himayiside heriket qiliwatqan xitay shirketlirining amérikaning soda qanunigha sistémiliq halda buzghunchiliq qilghanliqini bildürgen. Kommunist xitayning soda jinayetliri baj oghriliqi, mal qachurush, bazarni paxallashturush, mejburiy emgek, amérika karxaniliri we ishchilirigha qaratqan soda aldamchiliqi, ularni zawut taqashqa mejburlash, amérikadiki yéza-bazar karxanilirini weyran qiliwétish qatarliqlarni öz ichige alidiken.

Eshli hinsonning tilgha élishiche, amérika-xitay riqabiti alahide komitéti xitayning aptomobil shirkiti chingdaw sonsongning soda aldamchiliqini ashkarilighan bolup, bu shirket amérikaning béjidin qéchish üchün malni bashqa yerdin yötkigen؛ illinoyis shtatidiki bir shirketning töttin bir qisim ishchini qisqartishigha sewebchi bolghan. Chingdaw sonsunggha oxshash köpligen xitay shirketliri amérikaning soda sistémisidiki bezi yochuqlardin paydilinip, amérika sana'iti we yasash kespini ajizlashturup, amérika ishchilirining menpe'etige éghir ziyan salghan bolup, ularning ichide qul emgikidin paydiliniwatqan yaki shu yolgha méngiwatqan shirketlermu bolushi mumkin iken.