Sowét ittipaqining tunji atom bombisi siniqining qurbanliri qatarida Uyghurlarmu bolghan

Muxbirimiz ümidwar
2015-08-30
Share


Sowét ittipaqi 1949 - yili, 8 - ayning 29 - üni özining tunji atom bombisini qazaqistanning shemey wilayitidiki yadro bazisida sinaq qilghan bolup, qazaqistanning ili bilen chégrilinidighan Uyghurlar köp olturaqlashqan yarkent, yeni panfilof shehiride turushluq Uyghur yigiti mehemet ezizof we uning bir qanche neper dostliri sowét armiyesi terkibide 1947 - yili shemey atom bazisini qurush ishlirigha sélin'ghan we - 1949 - 1952 - - yilliri köp qetimliq atom bombisi siniqigha shahid bolghan.

"Uyghur awazi"gézitining mehemet ezizof heqqidiki eslime maqaliside körsitilishiche, mehemet ezizof, shemey atom bombisi sinaq meydanini yasash ishlirigha bir qanche diwiziye ishlitilgenliki, bu xizmetlerge qatnashturulghan eskerlerning 80%ning özbék, qazaq, qirghiz, tajik, Uyghur qatarliq musulman milletliri bolghanliqi, ofitsérlerning köpinchisi ruslar ikenliki, ularning ruscheni yaxshi bilmigen bu eskerlerni xalighanche haqaretligenliki hem éghir ishlargha salghanliqini bayan qilghan.

Mehemet ezizof 1952 - yili, bir qétimliq atom bombisi siniqida közi qarghu bolup qalghandin kéyin moskwagha élip bérilip uzun waqit dawalitilip saqaytiwélin'ghan.

U ömrining axirida "Urush - atom" namliq kitabini yézi xatire qaldurghan bolup u 2007 - yi'i 81 yeshida wapat bolghan.

Qazaqistandiki shemey atom bazisi 1991 - yili prézidént nazarbayéf teripidin taqiwétilgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet