Yurungqash deryasining su menbesini kontrol qilish qurulushi bashlanmaqchi

Muxbirimiz eziz
2019.04.23

Uyghurlar diyaridiki ishlepchiqirish pa'aliyetlirining herqachan su menbesi bilen zich munasiwetlik bolup kelgenliki melum.

Yéqinda xoten rayonidiki muhim su menbelirining biri bolghan yurungqash deryasining bash éqim rayonida ghayet zor miqdardiki su insha'at qurulushining bashlinidighanliqi melum boldi.

Shinxu'a agéntliqining 23-apréldiki xewiride éytilishiche, yéqinda béyjinggha yollan'ghan “Yurungqash deryasi su ishliri tügüni qurulushi” xitayning döletlik tereqqiyat we islahat komitétining testiqidin ötken. Bu qurulush xoten nahiyesi tewesidiki qashtash yézisi teweside bolup, xoten shehirige 95 kilométir kélidiken.

Bu qurulush layihesi boyiche, bu jaygha ghayet zor su ambiridin biri sélinidiken. Bu su ambirining omumi sighimchanliqi 536 milyon kup métirgha yétidighan bolup, su ambiri tosmisining égizliki 230 métirgha yétidiken. Sughirishqa ishlitishtin bashqa bu jayda yene tok éléktr istansisi sélinidiken. Hazirqi mölcherde bu qurulushning sekkiz yilda pütüshi mölcherlenmekte iken.

Analizchilar bu heqte pikir qilip “Bu qurulushning yene bir meqsiti xotendiki bingtu'en arqiliq yurungqash deryasining süyini bashtinla boghup qoyush, shu arqiliq pütkül xoten rayonining iqtisadiy jan tomurini kontrol qilish” déyishmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.