Xitay tibetning süyini teklimakan'gha bashlash qurulushi heqqidiki xewerni inkar qildi

Muxbirimiz eziz
2017-10-31
Élxet
Pikir
Share
Print

Xitaydiki alaqidar tarmaqlarning tibet égizlikidin teklimakan'gha su bashlash qurulushi heqqide hökümetke iltimas sun'ghanliqi heqqidiki xewer 30-öktebirde dunyadiki köpligen axbarat wasitiliridin yer alghan idi. Bügün xitay tashqi ishlar ministirliqi bu xewerni inkar qildi.

Hindistanda chiqidighan "Hepte axiridiki rehberler" gézitining xewirige qarighanda, xitay tashqi ishlar ministirliqining bayanatchisi xu'a chünying 31-öktebirdiki muxbirlarni kütüwélish yighinida bu heqtiki so'algha jawab bérip, "U pütünley yalghan xewer. Biz chégra halqighan bu derya mesilisidiki hemkarliqni muhim dep qarap kelmektimiz" dégen.

Hindistan hökümiti bu zor qurulush heqqidiki xewer tarqalghanda "Brahmaputra deryasining süyi boghup tashlansa hindistanning shimaliy qisim ölkilirige ghayet zor selbiy tesir élip kélidu" dégen bolsa, Uyghur teshkilatlar buning Uyghurlar diyarigha xitay ölkiliridin milyonlighan köchmen yötkeshke shara'it hazirlaydighanliqini tekitligen idi.

Melum bolushiche, bu zor qurulush heqqidiki iltimasning testiqlinishi 2018-yili martta melum bolidu, dep qaralghan idi. Uningda tibet égizlikide yarluzangbu (brahmaputra) deryasini tosup, uning süyini 1000 kilométirliq tonél arqiliq teklimakan'gha toshush axirqi nishan qilin'ghan. Mutexessisler bu qurulushqa az dégendimu 150 milyard amérika dolliri kétidighanliqini tekitligen idi.

Toluq bet