Мав зедуңниң рәсимигә сияһ чачқан сун биң 14 айлиқ қамақ җазасиға учриди

Мухбиримиз ирадә
2015-04-23
Share

Тйәнәнмендики мав зедуңниң рәсимигә қара сияһ чечип тутулуп қалған 42 яшлиқ сун биң бүгүн 14 айлиқ қамақ җазасиға һөкүм қилинди.

Сүн биң 2014-йили 3-айда қолға елинған. Сот даирилири униң җинайитини «қанунға хилаплиқ қилип, җәмийәт тәртипини бузуш» дәп бекиткән. Хитайниң йәр шари вақти гезити бүгүн бу һәқтә хәвиридә униң немә үчүн мушундақ бир һәрикәтни қилғанлиқи үстидә тохталмиған.

Ройтерс агентлиқи буни сүрүштүрүп беқиш үчүн дуңчең районлуқ сот мәһкимисигә телефон қилған болсиму, улардин җаваб алалмиған.

Мав зидуң қозғиған мәдәнийәт инқилабиниң милйонларчә кишиниң һаятиға замин болғанлиқи ениқ болсиму, әмма хитай һөкүмити һечқачан уни рәсмий йосунда етирап қилмиған. Техи йеқинда хитай мәркизи телевизийә истансисиниң даңлиқ риясәтчиси бир шәхси олтурушта мав зидуңни чүшүрүп нахша ейтқанлиқи үчүн программиси вақитлиқ тохтитип қоюлған вә у аммидин кәчүрүм сорашқа мәҗбур болған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.