Америка вә русийә сүрийә пиланини музакирә қилиш үчүн җәнвәдә учрашти

Мухбиримиз ирадә
2013-09-12
Share

Америка дөләт ишлири министири җон керрий билән русийә ташқи ишлар министири сергий лавроф бүгүн сүрийә пиланини музакирә қилиш үчүн җәнвәдә учрашти.

Учришишта сүрийәдики химийиви қоралларни хәлқара көзәткүчиләрниң тәкшүрүшигә тапшуруп бериш мәсилиси музакирә қилинидикән. Җон керрий мухбирларға бәргән баянатида, икки тәрәп арисидики учришишниң сүрийәгә һәрбий һәрикәт қоллинишниң алдини алидиған бир нәтиҗә һасил болушини үмид қилидиғанлиқини билдүрди.

Җон керрий вә униң һәмраһлири русийә оттуриға қоюватқан сүрийә пиланида тезрәк бир келишим һасил қилишни үмид қилидиғанлиқини, әмма нәтиҗиниң қандақ болидиғанлиқини пәрәз қилиш үчүн техи интайин балдурлуқини билдүргән. У русийә билән америкиниң химийиви қорални зади кимниң ишләткәнлики тоғрисида пәрқлиқ пикиргә игә болсиму, әмма һеч болмиғанда униңда авам хәлқниң зиянға учраватқанлиқи тоғрисида охшаш қарашқа икәнликини билдүргән.

Б б с ниң хәвәр қилишичә, америка тәрәп һазир русийә оттуриға қоюватқан "сүрийәниң химийиви қораллирини контрол астиға елип, йоқ қилиш" пиланини әмәлгә ашурушниң мумкинчилики барлиқини, әмма бу җәрянниң "қейин вә мурәккәп" ликини билдүргән.

Бүгүн йәнә, сүрийә президенти бәшәр әсәд русийә телевизийә қанилиға баянат берип, химийиви қоралларни көзәткүчиләргә тапшуруп беришкә разилиқини, әмма буниң америкиниң һәрбий һәрикәт қозғаш тәһдитидин қорқуп әмәс, бәлки русийәниң тәлипигә бинаән қиливатқанлиқини әскәрткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт