Amérika we rusiye süriye pilanini muzakire qilish üchün jenwede uchrashti

Muxbirimiz irade
2013.09.12
Share on WhatsApp
Share on WhatsApp

Amérika dölet ishliri ministiri jon kérriy bilen rusiye tashqi ishlar ministiri sérgiy lawrof bügün süriye pilanini muzakire qilish üchün jenwede uchrashti.

Uchrishishta süriyediki ximiyiwi qorallarni xelq'ara közetküchilerning tekshürüshige tapshurup bérish mesilisi muzakire qilinidiken. Jon kérriy muxbirlargha bergen bayanatida, ikki terep arisidiki uchrishishning süriyege herbiy heriket qollinishning aldini alidighan bir netije hasil bolushini ümid qilidighanliqini bildürdi.

Jon kérriy we uning hemrahliri rusiye otturigha qoyuwatqan süriye pilanida tézrek bir kélishim hasil qilishni ümid qilidighanliqini, emma netijining qandaq bolidighanliqini perez qilish üchün téxi intayin baldurluqini bildürgen. U rusiye bilen amérikining ximiyiwi qoralni zadi kimning ishletkenliki toghrisida perqliq pikirge ige bolsimu, emma héch bolmighanda uningda awam xelqning ziyan'gha uchrawatqanliqi toghrisida oxshash qarashqa ikenlikini bildürgen.

B b s ning xewer qilishiche, amérika terep hazir rusiye otturigha qoyuwatqan “Süriyening ximiyiwi qorallirini kontrol astigha élip, yoq qilish” pilanini emelge ashurushning mumkinchiliki barliqini, emma bu jeryanning “Qéyin we murekkep” likini bildürgen.

Bügün yene, süriye prézidénti besher esed rusiye téléwiziye qaniligha bayanat bérip, ximiyiwi qorallarni közetküchilerge tapshurup bérishke raziliqini, emma buning amérikining herbiy heriket qozghash tehditidin qorqup emes, belki rusiyening telipige bina'en qiliwatqanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.