Süriyelik panahlan'ghuchilar sani 2 milyon'gha yetti

Süriyediki krizis sewebidin süriyeni tashlap chiqip kétishke mejbur bolghan süriyelik panahlan'ghuchilarning sani 2 milyon'gha yetken. Chégradin chiqip kételmigen we süriyening ichide sürgün bolghanlarning sani bolsa 4 milyon'gha yetken.

B d t panahlan'ghuchilar aliy komitétining bashliqi gutéresning muxbirlargha bildürüshiche, süriyege qoshna bolghan türkiye, liwan, iyordaniye qatarliq döletler hazir süriyelik panahlan'ghuchilarni qobul qilalmaydighan derijige yetken. Mesilen, iyordaniyediki panahlan'ghuchilar lagérliridiki nopus sheher berpa qilidighan nopusqa yétip qalghan bolsa, liwanda her 6 kishining birini süriyelik teshkil qilidighan ehwal shekillen'gen.

U sözide, süriyediki krizis we bu panahlan'ghuchilar krizisining rayon xaraktérlik bir tehdit bolushtin halqip, dunya xaraktérlik bir tehditke aylan'ghanliqini bildürgen. B d t süriyediki insaniy krizisini kéyinki 20 yilda dunyada yüz bergen eng éghir bir krizis dédi.