Хитай русийәниң сүрийәдики бомбардиманиға қатнишиши мумкин

Мухбиримиз ирадә
2015-10-08
Share

Русийәниң сүрийәдики бомбардиманиға хитай армийисиниңму қатнишидиғанлиқи хәвәр қилинмақта. Бу һәқтә екиспрәс гезитидә елан қилинған хәвәрдә ейтилишичә, русийә мәтбуатлири русийәниң ташқи ишларға мәсул әмәлдари игор морозофниң сөзини нәқил қилип туруп, хитайниң күрәшчи айропиланлири вә бир тошуғучи парахотиниң аллиқачан сүрийәгә йүрүп кәткәнликини билдүргән.

Хитай ташқи ишлар министирлиқи бу һәқтики баянатида буниңға ениқ җаваб бәрмигән, әмма “террорчиларға қарши күрәш қилиш һәммимизниң ортақ бурчи” дегән.

Гезиттики хәвәрдә, хитайниң нефит турубилири бихәтәрликиниң ислам дөлити тәшкилатиниң тәһдитигә учраватқанлиқи, болупму өткән йили ешит миллитанлири рәһбири абу әл бағдади хитайни уйғур мусулманлириға қиливатқан зулуми түпәйли тәһдит қилғандин кейин хитайниң бу һәқтики әндишилириниң күчәйгәнлики тилға елинған.

Хитайниң ташқи ишлар министири ваң йи бирләшкән дөләтләр тәшкилатиниң хәвпсизлик йиғинидиму сүрийәдики урушқа қарап турушқа болмайдиғанлиқини тәкитлигән иди. Бирақ, русийә сүрийәдики бомбардиманлириниң “ислам дөлити тәшкилати” террорчилирини нишан қилғанлиқини илгири сүрсиму, әмма америка вә әнглийә қатарлиқ дөләтләр русийәниң әмәлийәттә әсәдкә қарши өктичи күчләргә зәрбә бериватқанлиқини билдүрмәктә. Русийә күрәшчи айропиланлириниң алдинқи күни йәнә түркийә һава территорийәсигә бөсүп киришиму нато вә америкиниң тәнқидигә учриди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт