Хитай сүрийәгә уруш парахоти әвәтиш пилани йоқлуқини билдүрди
2015.10.14
Хитай һөкүмити чаршәнбә күни сүрийәгә уруш парахоти әвәтип, русийәниң башар әсәд һөкүмитигә қарши уруш қиливатқан қораллиқ өктичиләрни, ислам дөлити қораллиқ күчлирини бомбардиман қилишиға ярдәм бериш пилани йоқлуқини билдүрди.
Илгири чәтәл ахбарат васитилиридә, хитайниң “лявниң” намлиқ авиаматкисини оттура деңизға әвәтип, русийәниң сүрийәдики һава бомбардиманиға қошулидиғанлиқи хәвәр қилинған. Бу, хитай пурсәтни ғәниймәт билип, сүрийәдики өктичи қораллиқ күчләргә ярдәм бериватқан түркистанлиқ ғазатчиларни бомбардиман қиламду-қандақ, дегән соал пайда қилған.
Русийә һава бомбардиманиниң ислам дөлити нишанлириға қаритилғанлиқини билдүрсиму, бирақ әмәлийәттә униң асаслиқ бомбардиман нишани сүрийәниң җесир әл-шуғур районини өз ичигә алған өктичи қораллиқ күчләргә қаритилған.
Җесир әл суғур райони болса түркистанлиқ ғазатчи қораллиқ күчләр топланған районларниң бири.
Чаршәнбә күни, хитай ташқи ишлар министирлиқи баянатчиси хуа чүнйиң, “мениң билишимичә, бизниң ундақ пиланимиз йоқ. Һазир лявниң авиаматкиси техникилиқ вә һәрбий мәшиқ билән алдираш”дегән.
Көп көрүлгән хәвәрләр
RFA
- Уйғур зиялийлири истанбулға җәм болуп, өз миллий тәқдири мәсилилирини муһакимә қилди
- Уйғурларниң нопуси һәққидики әң йеңи китаб
- Долқун әйса б д т кишилик һоқуқ кеңишидин уйғур ирқий қирғинчилиқиға қарита әмәлий һәрикәт қоллинишни тәләп қилди
- Моңғул тәтқиқатчи яң хәййиң :“ хитай һөкүмити йүргүзүватқан миллий ассимилятсийәни хитай пуқралириму астирттин қоллайду”
- Ваң хуниң: “шинҗаңдики мәдәнийәт, маарип вә муқимлиқ сияситини қәтий давамлаштуруш лазим!”