Xitay süriyege urush paraxoti ewetish pilani yoqluqini bildürdi

Muxbirimiz erkin
2015-10-14
Élxet
Pikir
Share
Print

Xitay hökümiti charshenbe küni süriyege urush paraxoti ewetip, rusiyening bashar esed hökümitige qarshi urush qiliwatqan qoralliq öktichilerni, islam döliti qoralliq küchlirini bombardiman qilishigha yardem bérish pilani yoqluqini bildürdi.

Ilgiri chet'el axbarat wasitiliride, xitayning "Lyawning" namliq awi'amatkisini ottura déngizgha ewetip, rusiyening süriyediki hawa bombardimanigha qoshulidighanliqi xewer qilin'ghan. Bu, xitay pursetni gheniymet bilip, süriyediki öktichi qoralliq küchlerge yardem bériwatqan türkistanliq ghazatchilarni bombardiman qilamdu-qandaq, dégen so'al payda qilghan.

Rusiye hawa bombardimanining islam döliti nishanlirigha qaritilghanliqini bildürsimu, biraq emeliyette uning asasliq bombardiman nishani süriyening jésir el-shughur rayonini öz ichige alghan öktichi qoralliq küchlerge qaritilghan.

Jésir el sughur rayoni bolsa türkistanliq ghazatchi qoralliq küchler toplan'ghan rayonlarning biri.

Charshenbe küni, xitay tashqi ishlar ministirliqi bayanatchisi xu'a chünying, "Méning bilishimiche, bizning undaq pilanimiz yoq. Hazir lyawning awi'amatkisi téxnikiliq we herbiy meshiq bilen aldirash"dégen.

Toluq bet