Xitayning süriyege qoshun ewetidighanliqi xewer qilinmaqta

Muxbirimiz irade
2017-11-30
Élxet
Pikir
Share
Print

Bügün "Ottura sherq közetküchisi" géziti dubeyde neshr qilinidighan"Yéngi xalij" gézitidiki bir xewerni menbe körsitip turup, xitayning süriyege qoshun ewetishke teyyarliniwatqanliqini bildürdi.

Xewerde xitay qoshunlirining süriye prézidénti besher el esed qisimlirini qollash üchün baridighanliqi, chünki xitayning "Sherqiy türkistan islam herikiti" heqqidiki endishilirining zoriyiwatqanliqi bayan qilin'ghan.

Xewerde éytilishiche, aldinqi hepte xitay tashqi ishlar ministiri wang yi süriye prézidéntining meslihetchisi botayna shaban bilen körüshkende süriyening "Sherqiy türkistan islam herikiti" küchlirini yoqitishtiki tirishchanliqigha apirin oqughan iken. Yuqiridiki gézitlerni uchur bilen teminligen menbeler xitayning bu qétim süriyege "Sibiriye yilpizi" we "Kéche yilpizi" dep atilidighan ikki alahide qoshun ewetidighanliqini bildürgen.

Xewerde körsitilishiche, süriye hökümiti 2015-yili 5000 neper xitay eskirining süriyege kirishige, ularning süriyening gherbiy qismidiki latakiyagha orunlishishigha ruxset qilghan iken. Ular arisida xitayning herbiy mesilihetchiliriningm'u barliqi melum.

Xitay b d t xewpsizlik kéngishidiki 5 da'imiy eza döletining biri bolup, u rusiye bilen birlikte bir qanche qétim xewpsizlik kéngishidiki ret qilish hoquqini qollinip, besher esed hökümitining menpe'etlirini qoghdap qalghan idi.

Toluq bet