Amérika hökümiti teywen'ge yene 180 milyon dollar qimmitidiki qoral sétishni testiqlighan

Muxbirimiz irade
2022.12.29

Amérika hökümiti teywen'ge 180 milyon dollar qimmitidiki qoral sétishni testiqlighan. Amérika tashqiy ishlar ministirliqi baydén hökümitining mezkur qararini 28-dékabir küni amérika dölet mejlisige yetküzgenlikini bildürgen.

CNN Téléwiziyesining xewiridin qarighanda, amérika bu nöwet teywenning telipige bina'en, teywen'ge tankigha qarshi aptomobil mudapiye sistémisi we shuninggha munasiwetlik eslihelerni sétip bérishni qarar qilghan.

Baydén hökümitidin bérilgen bayanatta körsitilishiche, “Bu qétimliq qoral sétish teywenning qoral küchini zamaniwiylashturup, mudapiye iqtidarini ashurush arqiliq, rayonning siyasiy muqimliqi, herbiy tengpungluqi we iqtisadiy tereqqiyatigha yardem bérishni meqset qilidiken”.

Baydén hökümiti bu yil 9-ayda teywen'ge 1 milyard 100 milyon dollar qimmitidiki qoral-yaragh sétishni testiqlighan bolup, bu prézidént jow baydén mezgilide teywen'ge bérilgen zor bir qétimliq qoral sétish bolup hésablinidiken. Bular urush paraxotigha qarshi turidighan 60 dane bashqurulidighan bomba we 100 din artuq hawadin qoyup bérilidighan bashqurulidighan bombini öz ichige alidiken.

CNN Téléwiziyesining éytishiche, bu nöwetlik teywen'ge qoral sétip bérish ishi, teywenning xitayning tajawuzchiliqigha qarshi mudapiye iqtidarini ashurush programmisining bir qismi bolup, uning xitayni qattiq bi'aram qilishi muqerrerken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.