Хитай қурулуш ширкити таҗикистанниң бинакарлиқ саһәсини контрол қилишқа киришти

Мухбиримиз үмидвар
2017.02.22
Share on WhatsApp
Share on WhatsApp

Хитайниң бир қурулуш ширкити таҗикистан қурулуш ширкитиниң 70% кә йеқин пай чекини сетивалған болуп, мәзкур хитай қурулуш ширкити таҗикистанға 170 милйон доллар мәбләғ селиш планини оттуриға қойған шуниңдәк таҗикистанниң бир қисим муһим бина қурулушлирини пүттүрүшни зиммисигә алған.

Азадлиқ радийосиниң хәвәр қилишичә, таҗикистан қурулуш саһәсидә үстүнлүк қазанған хитайниң “җеҗяң асия бинакарлиқ вә безәш ширкити” таҗикистан җумһурийитиниң “таҗикистан асия қурулуш ширкити” билән таҗикистан туприқида һәшәмәтлик меһманханилар, аһалиләр туралғу өйлири вә башқа қурулушларни қилиш һәққидә келишим түзгән болуп, таҗикистан ширкитиниң 67% пай чеки хитай тәрәпкә өткән.

Хәвәрдә дейилишичә, мәзкур хитай ширкити таҗикистанниң мәбләғ селиш истиқбалиниң наһайити мувапиқ икәнликини бекитип, бу дөләткә мәбләғ селишни қарар қилған.

Хитай қурулуш ширкитиниң таҗикистанда пүттүридиған қурулушлири ичидә таҗикистан дөләтлик тиятирханиму бар икән. Булардин башқа йәнә, хитай тәрәп дөләтлик кутупхана, ташқи ишлар министирлиқи вә дөләт баҗ идариси қатарлиқ орунларниң биналириниму қуридикән.

Тәһлилчиләр, хитайниң таҗикистан, қазақистан, өзбекистан вә қирғизистан қатарлиқ оттура асия дөләтлиригә көпләп мәбләғ селиш арқилиқ өз тәсир күчини ашуруватқанлиқини оттуриға қоюшмақта.

Йеқинқи йиллардин буян, хитай уйғур дияри билән қошна таҗикистан җумһурийитиниң електр енергийәси қурулушлири, йол, көврүк вә тонелларни ясаш, завут-фабрика қуруш қатарлиқ пиланлирини әмәлгә ашурмақта. Нөвәттә, таҗикистанниң ташқи қәрзи икки милярд америка доллири болуп, у хитайға бир милярд доллар қәрзгә боғулған икән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.