“El-qa'ide” teshkilati talibanlarni tebriklep bayanat élan qilghan

Muxbirimiz nur'iman
2021-09-02
Share

Hindistanning “Basma” (The Print) torining 1-sintebir bergen xewirige qarighanda, “El-qa'ide” teshkilati talibanlarning afghanistanda hakimiyet béshigha kelgenlikini tebriklep bayanat élan qilghan. El-qa'ide teshkilatning bu bayanatida dunyaning herqaysi jayliridiki zulumgha uchrawatqan musulmanlarni bir-birlep sanighan bolsimu, emma Uyghurlar tilgha élinmighan.

Xewerde mundaq déyilgen: “‛el qa'ide‚ teshkilati özining tor bétide élan qilghan bayanatida keshmir, pelestin we afriqadiki musulmanlarni ‛islam düshmenliri‚ ning changgilidin qutuldurushqa chaqiriq qilghan. Emma sherqiy türkistan yaki xitaydiki shinjangda yüz bériwatqan kishilik hoquq depsendichilikini tilgha almighan.”

Melum bolushiche, taliban küchliri kabulni ishghal qilghandin kéyin, talibanlarning yoqri derijilik wekilliri kabuldiki xitay elchixanisi bilen körüshken. Xitay hökümiti buningdin 20 yil awwal “Sherqiy türkistan islam herikiti” teshkilatini térrorluqqa baghlashta, ularning taliban we “El-qa'ide” teshkilati bilen bolghan alaqisini seweb qilip körsetken idi. Halbuki, xitay da'irilirining ilgiri özlirining hökümet taratqulirida “Térorluq teshkilati” dep qarilighan talibanlar bilen bügünki künde “Dostluq ornitishi” xelq'ara jama'etchilikning küchlük diqqitini qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet