Хитай сақчилири ақсуда бир оқутқучини етиветип вәқәни «тасадипий қаза» дәп бекиткән

Мухбиримиз җүмә
2015-07-22
Елхәт
Пикир
Share
Принт


Өткән йили хитай сақчилири ақсуда бир хитай оқутқучини етиветип униңға «тасадипий қаза» дәп ениқлима бәргән, буниңдин нарази болған өлгүчиниң аилә - тавабиатлири адаләт тәләп қилип әрз қилишни башлиған.

Вәқәдә қаза қилғучи ақсу кәспий техника институти сәнәт факултет оқутқучиси ли вәнҗйе болуп, у өткән йили 8 - июл ақсу аватта өткүзүлгән бир пианино мусабиқисини түгитип, 8 яшлиқ қизи билән ақсу шәһиригә қайтишида ават сақчилири тәрипидин етип өлтүрүлгән.

Ли венҗйениң ериниң радийомизға билдүрүшичә, у ават сақчилири қурған тәкшүрүш понкитиға кәлгәндә тохтимай өтүп кәткән икән.

Оқ арқа орундуқта олтурған қизниң мәңзини қирип өтүп, аялиниң арқа меңисигә тәгкән вә униң җенини алған.

Һалбуки, хитай қанун сақчилири вәқәни «милтиқ тасадипий етилип кетип, адәм өлтүрүш һадисиси кәлтүрүп чиқарған», «хизмәт үстидә өлүп кетиш һадисиси» дәп бекиткән.

Өлгүчиниң ери җаң җенхәй бир йилдин буян һәр дәриҗилик һөкүмәт органлириға берип дәва қилған болсиму нәтиҗә қазиналмиған.

У радийомизға қилған сөзидә, ақсуниң террорлуққа қарши туруш кәйпиятиниң интайин юқири икәнликини, йәрлик һөкүмәтниң «миңни хата өлтүрсәк олтуримизки, бирниму қачурувәтмәймиз» дәйдиған зеһнийәт билән сиясәт йүргүзүватқанлиқидин шикайәт қилған.

Хитай сақчилири өткән йили апрелда кәлпиндики бир қизил чирағдин мотосиклитлиқ өтүп кәткән абдулбаситни арқисидин қоғлап берип етивәткән. Кейин униң аилә - тавабиатлири наразилиқ билдүрүп намайиш қилғанда уларниң һәммисини тутуп кәткән вә еғзини юмуш һәққидә тәһдит салған иди.

Пикирләр (0)
Share
Толуқ бәт