Уйғур дияридики тунҗи егизлик айродруми - ташқорған айрудрумида 2018 - йили синақ тәриқисидә қатнаш башлинидикән

Мухбиримиз қутлан
2016-09-26
Share

Игилинишичә, уйғур аптоном районидики тунҗи егизлик айрудруми - ташқорған айрудрумини қуруш пилани тәстиқтин өтүп, келәр йили 3 - айда иш башлимақчикән.

"шинҗаң гезити" ниң илгири сүришичә, бу хәвәр тунҗи қетим 23 - сентәбир башланған 5 - нөвәтлик хитай - явроасия көргәзмисидә ашкариланған.

Хәвәрдә дейилишичә, ташқорған ғол вә тармақ линийәлик айродуруми уйғур елидики тунҗи егизлик айродуруми болуп, бу айродурумға 1 милярд 600 милйон йүән мәбләғ селиш мөлчәрләнмәктикән. Униңда 2018 - йилидин етибарән синақ тәриқисидә қатнаш башлинидикән. Буниң билән қәшқәр вилайитидә қәшқәр айродруми, йәкән айродуруми, тумшуқ айродуруми вә ташқорған айродурумини өз ичигә алған бошлуқ тори шәкиллинидикән.

Мәлум болушичә, қәшқәрдин исламабад, бешкәк, дүшәнбә, ташкәнт, йеңи деһли қатарлиқ шәһәрләргә биваситә учуш арилиқи 1000 километирниң ичидә болуп, һава йоли арқилиқ бир йерим саәттила йетип барғили болидикән.

Қәшқәр хитай һөкүмитиниң "йеңи йипәк йоли" истератегийәсидики муһим нуқта болуп, көзәткүчиләр, ташқорған айрудрумини қуруш лаһийәси әмәлийәттә хитайниң пакистандики гвадар портини ечиш вә уни һинди окяндики муһим иқтисадий бәлбәғқа айландуруш пилани билән зич мунасивәтлик, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт