Tataristan prézidénti: rusiye bilen türkiye arisidiki weziyet tataristan üchün “Nahayiti nazuk”tur

Türkiye hawa armiyesining rusiye ayropilanini étip chüshürüsh weqesidin kéyin shekillen'gen we dawamliq soghuq halette dawamlshiwatqan türkiye - rusiye munasiwetlirining rusiye fédératsiyesi terkibidiki türkiy jumhuriyetlirigimu tesir körsitiwatqanliqi otturigha chiqmaqta.

“Hazirqi waqit téléwiziye” torining xewirige qarighanda, yéqinda rusiye fédératsiyesi terkibidiki tataristan jumhuriyiti prézidénti rustem minnixanow tataristan - türkiye munasiwetliri heqqide toxtalghanda nahayiti éhtiyatchanliq bilen pikir bayan qilip, rusiye bilen türkiye arisidiki“Soghuq munasiwetler urushi””ning tataristan üchün “Qiyin we azaplinarliq” hem “Nahayiti nazuk” ikenlikini bildürgen.

Tataristan prézidénti türkiye we tataristan arisida qoyuq meblegh munasiwiti barliqi, yeni“Tataristan'gha séliniwatqan mebleghlerning charek qismining türkiyedin kéliwatqanliqini bildürgen.

Melum bolushiche, türkiye ttaristan iqtisadi üchün 1.5 Milyard dolar meblegh saghan bolup, tataristan prézidénti sözide yene tataristaning téximu köp türkiye meblighini kütüwatqanliqini bildürgebn.

Xewerde éytilishiche, hazir tataristanda 280 türk shirkiti ish élip barmaqta iken.

Rusiye hökümitining türkiyege qarita élan qilghan bir yürüsh imbargosi, jümlidin soda - iqtisadi imbargosining türkiye bilen zich soda - iqtisadiy we medeniyet alaqisi qiliwatqan tataristan jumhuriyitide endishe peyda qiliwatqanliqi melum bolmaqta idi.

Rusiyening “Biznés” torining xewiride yézilishiche, tatar prézidénti muxbirlargha türkiyeni rusiye üchün dost xelq, tatarlar üchün tili bir guruppigha tewe, dini bir qérindash xelq dep atighan. Uning sözliridin tataristanning türkiye bilen bolghan munasiwitini buzushni xalimaydighanliq ipadisi körsitilgen.