Тайландта 25 нәпәр уйғур қамақханидин қачқан

Мухбиримиз шөһрәт һошур
2017-11-20
Share

Бүгүн хәлқара таратқуларда хәвәр қилинишичә, тайландта тутуп турулуватқан 25 нәпәр уйғур мусапир қамақханидин қачқан.

Тайланд даирилириниң ройтерс агентлиқиға ашкарилишичә, 25 нәпәр уйғур мусапир дүшәнбә күни тайландтики қамақханиниң темини тәшкән, андин әдияллиридин арқан сүпитидә пайдилинип, қамақханидин есилип чүшүп қечип кәткән. Тайланд даирилириниң әскәртишичә, шу вақитниң өзидә йиғиватқан қаттиқ ямғурниң авази уларниң қамақханидин туйдурмай қечип кетишигә шараит яритип бәргән.

Мәлум болушичә, һазирғичә қамақханидин қачқан 25 уйғурдин 5 нәпири тутулған, қалған 20 нәпири қечип йүрмәктикән. Ройтерс агентлиқиниң бүгүнки хәвиридә әскәртилишичә, булар 2014‏-йили тайландта тутулған 200 чә уйғурдин қеп қалғанлириниң бир қисми икән. Тайландта тутулған уйғурлар өзлириниң түрк вәтәндиши икәнликини, хитай тәрәп болса, буларниң хитай вәтәндиши икәнликини илгири сүргән. Тайланд даирилири алдинқи йили хитайниң тәлипигә бинаән 100 дин артуқ уйғур тутқунни хитайға қайтуруп бәргән.

Хитай өзлиригә тапшуруп берилгән уйғурларни хитайға елип маңидиған чағда уларға "террорчи" ларға хас муамилә қилғанлиқи үчүн хәлқара җамаәтниң тәнқидигә учриған иди. Тайланд даирилири шуниңдин кейин қолида қепқалған уйғур мәһбуслар ичидики аяллар вә балиларни асас қилған бир түркүминиң түркийәгә кетишигә йол қойған иди. 

Хәлқара хәвәрләрдә дейилишичә, йеқинқи йиллардин бери хитайниң уйғур аптоном районида йүргүзүватқан бастуруш һәрикәтлиридин қечип чиққан миңларчә уйғур шәрқий-җәнубий асия дөләтлири арқилиқ рәсмийәтсиз һаләттә түркийәгә йетип барған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт