Тайланд мусулманлириниң лидери: "уйғурларниң қамақханидин қечиши тайланд һөкүмити үчүн пайдилиқ"

Мухбиримиз шөһрәт һошур
2017-11-20
Share

Тайландниң соңла өлкилик көчмәнләр идариси тәрипидин тутуп турулуватқан 25 уйғурниң қамақханидин қечиши ахбаратқа ашкариланғандин кейин, тайландниң чулараҗмонти райондики мусулманларниң лидери, доктор висути бинлатиһ баянат елан қилған. У баянатида мәзкур уйғурларниң түрмидин қечишиниң тайланд һөкүмити үчүн пайдилиқ икәнликини, йәни буниң тайланд үчүн хитай һөкүмитиниң уйғурларни қайтуруп бериш һәққидики бесимидин қутулушниң бир пурсити икәнликини билдүргән.

Доктор висути баянатида йәнә мәзкур уйғурларниң қандақтур адәм әткәсчилириниң қурбани әмәс, бәлки сиясий зулумниң қурбанлири икәнликини илгири сүрүп, уларниң түркийәдики уруқ-туғқанлири билән җәм болушиға йол қоюлуши керәкликини илгири сүргән.

У йәнә баянатида мәзкур уйғурларниң тар бир қамақханида узун мәзгил йетип кәткәнликини әскәртип, инсанпәрвәрлик нуқтисидин уларниң үчинчи бир дөләткә йәрлишишигә йол қоюлуши керәкликини ейтқан. Доктор висутниң бүгүнки баянатида тәкитлинишичә, тайландики мусулманлар тайланд һөкүмитидин тутқундики уйғур мусулманлириниң хитайға қайтурулмаслиқини изчил һалда тәләп қилип кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт