Tayland bomba hujumigha alaqidar yene bir gumandarning kimlikini ashkarilidi

Muxbirimiz jüme
2015-09-02
Share

Tayland saqchi da'iriliri charshenbe küni ötken ayda bangkok shehiride yüz bergen partlitish weqesige alaqidar yene bir gumandarning kimlikini ashkarilidi we uning türk puqrasi ikenliki bildürdi.

17-Awghust bangkok shehiridiki érawan ibadetxanisi partlitish hujumigha uchrap, köpinchisi xitay puqralardin terkib tapqan 22 adem ölgen.

Tayland saqchiliri hazirghiche mezkur hujumgha alaqidar 8 adem üstidin tutush buyruqi chiqarghan, ikki nepirini qolgha alghan we hujumdiki bash gumandarning Uyghur bolushi mumkinliki ilgiri sürgen.

Firansiye agéntliqining bügün xewer qilishiche, da'iriler 2-séntebir élan qilghan yéngi gumandarining ismi emrah dawut'oghlu bolup, uning ayali yerlik tayland puqrasi iken.

Melum bolushiche, tayland da'iriliri charshenbe küni yene 1-séntebir qolgha élin'ghan ikkinchi gumandarning hujumda ishlitilgen "Bombini yasashqa biwasite qatnashqanliqi ispatlan'ghanliqi" ni bildürgen bolsimu, gumandar buni ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet