Tayland da'iriliri bangkok partlash weqesini adem bédikliri peyda qilghan dédi

Muxbirimiz méhriban
2015-09-15
Share

Taylandtiki partlash weqesige mes'ul emeldar 15-séntebir seyshenbe bayanat bérip, "Bangkoktiki partlash weqesi, Uyghurlarning tayland chégrasidin bashqa döletlerge kétishige yardemleshken adem bédiklirining öch élish herikiti" ikenlikini bildürdi. Tayland saqchi terep bu heqte izahat bérip, "Adem bédikliri Uyghurlarni bir dölettin yene bir döletke oghriliqche ötküzdi, tayland hökümiti ularning bu sodisini gumran qildi yaki uninggha tosalghu boldi " dégen.

Gérmaniye awazining 15-séntebirdiki xewiride bayan qilinishiche, tayland saqchi terepning bayanatchisi prawut bayanat bérip, 17‏-awghust bangkok partlash weqesining pilanlighuchisi "Ishan" leqemlik abduraxman abdusattarning weqedin kéyin, türkiyege ketken bolushi mumkinlikini we türkiye elchixanisigha bu melumatning yollan'ghanliqini bildürgen. Emma roytérs agéntliqining ziyaritini qobul qilghan türkiyening bir yuqiri derijilik emeldari bu éhtimalliqni inkar qilip, "Gumandarning türkiyege kirgenliki heqqide uchur yoqluqi, tayland hökümitidin térror gumandarining türkiyede ikenliki heqqidiki uqturushnimu tapshurup almighanliqi"ni bildürdi.

17-Awghust bangkokta 20 ademning ölüshige seweb bolghan partlash weqesi heqqide tayland da'irilirining her xil perezlerni otturigha qoyushi, xelq'araning diqqitini qozghighan. Chet'ellerdiki Uyghur teshkilatliridin dunya Uyghur qurultiyimu bu heqte bayanat bérip, tayland da'irilirini pakitni éniq otturigha qoyushqa, her xil perezlerni xalighanche élan qilmasliqqa chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet