Уйғур елидики нефит қидириш тарихиниң һазирқи қурулмиға көрсәткән тәсири мулаһизә қилинди

Мухбиримиз ирадә
2019-01-23
Елхәт
Пикир
Share
Принт

21-январ күни америкида нәшрдин чиқидиған «хитай архипи» намлиқ тор журнилида уйғур елидики нефит запиисни қидирип тәкшүрүш хизмитиниң уйғур елиниң қурулмисиға көрсәткән тәсири үстидә бир мақалә елан қилинди.

Мақалә аптори җуддий кинзлийниң баян қилишичә, уйғур елиниң мол нефит записиға игә икәнлики 19-әсирдә кәң билинип болған болуп, уни тәкшүрүш хизмәтлири 1644-1911-йиллири арисида һөкүм сүргән чиң ханиданлиқи мәзгилидә башланған вә чиң ханиданлиқиниң заваллиққа йүзләнгән йиллирида әнглийә вә русийә уйғур елидики йәр асти байлиқлириға наһайити қизиққан икән.

Аптор сабиқ совет иттипақи 1917-йилидин кейин уйғур елидики нефит қидириш хизмәтлиридә актип рол елип, уйғур елиниң шималий қисимлиридики майтағ нефит базисида нефит қидириш хизмәтлирини башлиғанлиқини қәйт қилған. Униң ейтишичә, әйни чағдики җуңхуа минго һөкүмити уйғур елидики нефит қидириш ишлирида асаслиқ сабиқ совет иттипақиниң техникисиға таянған икән.

Хитай коммунист һакимийити орнитилғандин кейинму уйғур елиниң нефитини ечиш хизмити асасән сабиқ совет иттипақиниң изи бойичә шималдики нефитликләргә мәркәзләшкән икән вә таки 1990-йилларға кәлгәндә хитайниң нефитқа болған еһтияҗи артқандин кейинла андин җәнубтики нефит ишләпчиқириш хизмәтлири башланған икән.

Апторниң қаришичә, уйғур елидики нефит ишләпчиқириш хизмәтлири тарихиниң уйғур елидики дөләт мәблиғиниң шәкил вә қурулмисиға, көчмәнләр қурулмисиға вә җәнуб билән шимал арисидики иҗтимаий-иқтисадий тәңпуңсизлиқниң шәкиллинишигә көрсәткән тәсири зор болуш билән биргә йәнә уйғур елиниң җәнуби билән шималиниң өз-ара пәрқләндүрүлүшидики әң муһим амилларниң бири икән.

Пикирләр (0)
Share
Толуқ бәт