Jungghar oymanliqidiki yene bir tebi'iy gaz zapisi qézilishqa bashlidi

Muxbirimiz eziz
2021-05-21
Share

"Xitayning énérgiye ambiri" dep qariliwatqan Uyghur diyaridiki jungghar oymanliqida yéngidin bayqalghan tebi'iy gaz we néfit nuqtisi yéqinda resmiy mehsulat qézishqa ötken.

"Xitay xewerliri tori" ning 21-maydiki xewiride éytilishiche, 2021-yili 4-féwralda qézilishqa bashlighan bu yéngi néfitlik qutubi nahiyesi teweside bolup, 33 milyon kup métirdin köprek tebi'iy gaz we töt ming tonnidin artuq néfit qizish ishqa ashurulghan. Nöwette bu tebi'‍y gaz zapisining qaplash da'iri 150 kuwadrat kilométir da'‍riside bolup, buning qanche yil qézilidighanliqi namelum iken. Melum bolushiche, jungghar oymanliqida bu xildiki tebi'iy gaz we néft zapas nuqtiliri yéqindin buyan köplep qéziliwatqan bolup, xitay iqtisadining kelgüsi tereqqiyatidiki muhim kapalet, dep qaralmaqta iken.

Halbuki, muhajirettiki bezi analizchilar xitay hökümitining Uyghurlarni milyonlap lagérlargha qamishi hemde irqiy qirghinchiliqni kéngeytishini Uyghur diyarining mushu xildiki "Énérgiye ambiri" bolushtek roligha baghlimaqta iken. Ular bu heqte pikir qilip: "Xitay hökümiti Uyghurlarni xitaydiki eng kembeghel xelqqe aylandurup qoyghanliqighimu razi bolmastin, mushu bayliqlargha Uyghurlarning shériklik dawasi qilmasliqi üchün ularni millet boyiche yoq qiliwétishni qestlimekte" déyishmekte iken. Yene beziler bolsa "Bu Uyghurlarning 'altun tawaq kötürgen diwaniler' dégendek échinishliq halitining tipik misali," déyishiwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet