Uyghur rayonida abuntlarning tor we téléfonini heqiqiy isimi bilen tizimlash nisbiti 100 % ge yetken

Muxbirimiz erkin
2017-06-02
Élxet
Pikir
Share
Print

Uyghur aptonom rayoni ötken yili belgilime chiqirip, puqralarning tor we téléfonini heqiqiy ismini bilen tizimlash tüzümini yolgha qoyghan. Xitay axbarat wastilirining ashkarilishiche, nöwette Uyghur aptonom rayonida abuntlarning tor we téléfonini heqiqiy ismi bilen tizimlitish nisbiti 100 % ge yetken. Uyghur rayoni xitaydiki her qaysi ölke, aptonom rayonlar ichide heqiqiy ismi bilen tizimlashni 100% ge yetküzgen birdin -bir rayon iken.

Uyghur aptonom rayonluq xelq qurultiyi ötken yili "Téléfon we tor abuntlirini heqiqiy ismi bilen tizimlashni bashqurush charisi" ni élan qilip, shu yili1‏-üktebirdin bashlap resmiy yolgha qoyghan. "Ürümchi kechlik géziti"ning xewer qilishiche, da'iriler abuntlarni heqiqiy ismi bilen tizimlashni 1‏-iyundin burun omumlashturup bolghan. Xewerde körsitishiche, bashqurush charisi yolgha qoyulghandin béri, 2 milyon 100 ming abuntning hésab numuri bikar qilin'ghan, 530 ming abuntni mulazimet bilen teminlesh toxtitilghan.

Uyghur rayonining téléfon abuntlirini heqiqiy ismi bilen tzimlash tüzümi d u q qatarliq kishilik hoquq we öktichi teshkilatlirining tenqidige uchrighan. Ularning ilgiri sürüshiche, mezkur tüzüm peqet Uyghur tor we téléfon abuntlirining uchur alaqisini téximu qattiq kontrol qilish üchün chiqirilghan bolup, bu tüzüm puqralarning shexsi uchur mexpiyetlikige tehdit peyda qilidiken.

Uyghur rayoni abuntlarning tor we téléfonini tizimlashni xitayning memliketlik "Tor bixeterlik qanuni" 1‏-iyun resmiy yolgha qoyulushtin burun orundap bolghan. Mezkur qanun xitay xelq qurultiyi teripidin 2017‏-yili11‏-ayda maqullan'ghan bolup, mezkur qanunmu gherb elliri we xelq'ara kishilik hoquq teshkilatlirining tenqidige uchrighan idi.

Toluq bet