81 Yashliq xitay öktichi yazghuchisi té lyu üstidin sot échilmaqchi

Muxbirimiz ümidwar
2015.02.24


Xewerlerdin melum bolushiche, bultur da'iriler teripidin “Qanunsiz tijaret qilish” bilen eyiblinip tutqun qilin'ghan, xitay öktichi yazghuchisi 81 yashliq té lyu üstidin échilidighan sot 25 - féwral charshenbe künige békitilgen.

Ilgiri Uyghur öktichi ziyaliysi ilham toxtining yardemchi adwokatliqini üstige alghan lyu shawyüen yazghuchi té lyuning sotida adwokatliq qilishni üstige alghan. Adwokat liyu shawyüen etiki sot heqqide toxtilip, “Ongqanat éqimidiki yazghuchi té lyu üstidin échilidighan sot 25 - féwral charshenbe küni chéngdu shehride échishqa békitildi. Té lyu tutqun qilin'ghinida 5 ay boldi. Ete té lyü üstidin qanunsiz tijaret qilghan dep eyiplinip, sot échilmaqchi, méningche té lyuning yéshining nisbeten chong bolishi seweblik, sot uninggha bérilidighan jazani kéchiktürüshi mumkin, méningche sottin kéyin té lyu qoyup bérilishi mumkin” dégen.

Bultur 13 - séntebiryazghuchi té lyu tutqun qilin'ghinida, uning ayali radi'omiz xitay bölümining ziyaritini qobul qilip, “Uning tutqun qilinishigha birqanche parche maqalisi sewep boldi. Érim ikki parche maqaliside ilgiriki xitay re'isi maw zédongni tenqitligen idi” dégen. Bu yil 81 - yashqa kirgen té lyu, sichü'enlik yazghuchi. U 1957 - yili “Ongchi qalpiqi” kiygen.2010 - Yil u yene bir qisim xitay yazghuchiliri bilen birlikte xitay xelq qurultiyigha imzaliq xet sunup, “Metbu'atlarni bashqurush tüzümini bikar qilip, xewer erkinliki bérish” ni telep qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.