Tésla shirkiti buffalodiki zawutigha xitayning küntaxtalirini ornatqan

Washin'gtondin muxbirimiz irade teyyarlidi
2024.04.11

Tésla shirkiti xitaydin kirgüzülgen we Uyghur mejburiy emgikige chétishliq, dep bahalan'ghan bir xitay shirkitining küntaxtalirini ishletken.

Amérikadiki “Tekshürüsh pochtisi” (Investigative Post) namliq gézitning éniqlishiche, tésla shirkiti özining jenubiy buffalogha küntaxta yasash üchün qurghan zawutining ögzisige xitay ishlepchiqarghan küntaxtalarni ornatqan.

Bu küntaxtalarni xitayning LONGi yéshil énérgiye téxnikisi shirkiti ishlepchiqarghan bolup, bu shirketning mehsulatlirida Uyghur élida mejburiy emgek asasida ishlepchiqirilghan matériyallarning barliqi ötken yili en'gliyediki shéfild xallam uniwérsitéti we xéléna kénnidi xelq'ara edliye merkizining doklatlirida tilgha élin'ghan idi.

Dunyada ikkinchi chong bazar bolghan amérika bügünki künde “Yéshil énérgiye” hésablinidighan küntaxta we litiy bataréyesige eng köp éhtiyajliq bolsimu, emma “Uyghur mejburiy emgikining aldini élish qanuni” boyiche xitayning küntaxtalirini chekligen idi.

Biraq xewerde déyilishiche, xitayning  LONGi shirkitining bayanatchisi we téslaning bayanatchisi yaki bash ijra'iye emeldari élon mask héchqaysisi yuqiriqi gézitning küntaxtalarning mejburiy emgek bilen bolghan chétishliqi heqqidiki so'allargha jawab bermigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.