«Тәйвән хәвәрлири» гезити: «хитай бесивалса тәйвәнликләрдинму ‹террорлуқ' ни васитә қилидиғанлар чиқип қелиши мумкин»

Мухбиримиз шөһрәт һошур
2018-07-26
Share

«Тәйвән хәвәрлири» гезити бүгүн тәйвән хәлқини уйғур вәзийитидин ибрәт елиш һәққидә бир парчә мақалә елан қилған. Мақалида уйғур районида йеқинқи йилларда йүз бәргән аялларниң йопкисини кесиш, әрләрниң сақилини чүшүрүветиш қатарлиқ зораван тәдбирләрниң әгәр тәйвән хәлқи һошяр болмиса кәлгүсидә уларниңму бешиға келиш еһтималлиқи барлиқи көрситилгән.

Уйғур райониниң йеқинқи 10 йиллиқ вәзийитидин пакитлар көрситилгән хәвәрдә хитай компартийисиниң тәйвәнни ютувелиш үчүн ашкара һалда чишини биләп туруватқанлиқини, шуңа бүгүн уйғурларниң бешиға келиватқан күнниң әтә тәйвәнликләрниң бешиға келишиниң муқәррәр бир ақивәт икәнликини оттуриға қойған.

Тәйвәнликләрниң көпинчисиниң уйғурларға охшашла өзини хитай дәп һесаблимайдиғанлиқи вә хитай компартийәсидин нәпрәтлинидиғанлиқи тилға елинған мәзкур хәвәрдә әгәр бир күнләр келип хитай тәйвәнни бесивалса, тәйвәндиму хитайға қарши аммиви һәрикәтләрниң болидиғанлиқи, бу һәрикәт қилғучилар арисида партизанлиқ урушини таллайдиған, һәтта «террорлуқ» усулини қоллинидиғанларниңму чиқиш еһтимали барлиқи илгири сүрүлгән. Мана бундақ чағда хитай һөкүмитиниң «терроризмға қарши туруш» баһаниси вә «сиясий тәрбийә» чақириқи билән йиғивелиш лагерлирини тәсис қилидиғанлиқи, шуңа уйғур районида бүгүн болуватқан ишларни дуняға әң башта ашкарилашқа тегишлик һөкүмәтниң чоқум тәйвән һөкүмити болуши керәкликини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.