Teywen, jang keyshining siyasiy tesiridin tel-töküs qutulush üchün qedem basti

Tünügün teywen parlaménti ilgiriki diktator tüzümni xatirileydighan kocha we orun namlirini qaytidin békitish, heykellerni élip tashlash heqqide bir qanun layihisini maqullighan.

Teywenning “Rétim” namliq bir axbarat torida xewer qilinishiche, mezkur qanun layiheside “Ötmüshte démokratiye we erkinlikke dexli yetküzgen, kona diktator tüzümning herqandaq bir qalduqi tel-tüks tazilinish kérek” déyilgen.

Melum boli'ishiche, teywende démokratiye we tereqqiyat partiyesi höküm sürgen deslepki mezgilde jyang jéshining ayridumdiki nami we teywen pulidiki resimi élip tashlaghan bolsimu, emma bir qisim mektep, kocha we binalarda uning heykili we gomindang hakimiyitining simwolliri mewjutluqini saqlap kelgen.

Melum bolushiche bu qétim parlaémntta testiqtin ötken qanun layihisi ikki hepte ichide teywen prézidénti sey yingwénning testiqidin kéyin resmiy ijragha ötidu. Xewerlerde eskertilishiche, bu jyangjiéshi we gomindang hökümitining siyasiy simwollirini élip tashlashning tunji qétim mejburiyetke aylinishi yeni qanun arqiliq ijra qilinishqa ötüshi hésablinidu.

Jyang keyshi 1947 ‏-yili teywen'ge chékin'gendin kéyin teywende aq térrorluq dem bérilgen bir qatar qirghinchiliq we basturush heriketlirini élip barghan.

Teywen parlaméntining bu qétimqi qedimining jyang keyshining mezkur qilmishidin qaytidin bir hésab élish, qurbanlargha tölem töleshke yol achqanliqidin bashqa, xitay kompartiyisining bir dlet sho'ari yeni teywenni yutuwélish gherizigimu ochuq bir zerbe bolidighanliqi ilgiri sürülmekte.