Хитай һава армийисиниг сабиқ сияси комиссари тәкшүрүш астиға елинди

Мухбиримиз үмидвар
2016-07-10
Share


2009 - Йилидики 5 - июл үрүмчи вәқәси мәзгилидә хитай хәлқ азадлиқ армийисиниң уйғур районида һәрбий сиясий қоманданлиқ вәзиписи өтигән, хитай азадлиқ армийиси һава қисимлириниң сабиқ сиясий комиссари тәкшүрүш астиға елинди.

Б б с агентлиқиниң хитай һөкүмәт мәтбуатлириниң учурлири асасида хәвәр қилишичә, хитай хәлқ азадлиқ армийиси һава қисимлириниң сабиқ сиясий комиссари генерал полковник тйән шуси “интизамға еғир хилаплиқ қилиш” дегән нам астида дело турғузулуп тәкшүрүш астиға елинған.

Генерал полковник тйән шуси 18 йешида һәрбий хизмитини хитай хәлқ азадлиқ армийисиниң “шинҗаң һәрбий райони”ға қарашлиқ 54 - топчилар полкида җәңчи болуштин башлап, “җәнубий шинҗаң һәрбий райони”ниң сиясий комиссарилиқ дәриҗисигичә өскән вә 2005 - йилидин 2009 - йили 12 - айғичә, йәни 2009 - йилидики 5 - июл үрүмчи вәқәси вақтида, шинҗаң һәрбий райониниң партийә секретари, сиясий комиссари вә аптоном районлуқ партком даимий һәйәт әзасилиқ вәзипилирини атқурған иди.

Тйән шуси 1985 - йили хитай билән вйетнам арисидики лавшән урушиға қатнашқан.

У, шуниңдин кейин қәдәмму - қәдәм өсүп, 2012 - йилидин 2015 - йилиғичә, хитай һава армийиси партком секретари вә сияси комиссари болған, 2015 - йили, 8 - айда һәрбий сәптин айрилип, мәмликәтлик хәлқ қурултийиниң ташқи ишлар комитетиниң муавин мудири болған иди.

66 яшлиқ тйән шуси 5 - июл күни һәрбий интизам тәкшүрүш комитети тәрипидин аилисидин елип кетилгән, униң аяли вә униң бир қанчә хизмәтчилириму елип кетилгән икән. У, хитай армийисиниң шү сәйхо, гу бошуң қатарлиқ икки генерал полковниктин кейин, тәкшүрүш астиға елинған үчинчи генерал полковник икән.

Әмма һазирчә тйән шусиға қандақ җинайәт артилидиғанлиқи намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт