Бир тибәтлик дуняни велисипитлик айлинип тибәт дәваси қилди

Мухбиримиз җүмә
2013.11.30
Share on WhatsApp
Share on WhatsApp


Бир тибәтлик хитай һөкүмити тибәтләргә қаратқан бастуруш сияситигә қарита дуня җамаәтчиликиниң тонушини өстүрүш мәқситидә явропа вә асияни велисипитлик айлинип, шәнбә күни дарамсаладики тибәт сәргәрдан һөкүмитиниң баш штабиға кәлди.

Мәзкур райондики нурғунлиған киши қоллириға гүл вә тибәт байриқини көтүрүшүп, бу йил 42 яшқа киргән ринпо як исимлики бу тибәт паалийәтчини күтүвалди.

У бу йил марттин башлап явропадики 14 дөләтни велисипитлик айлинип, хитайниң тибәттә йүргүзүватқан қаттиқ қол сияситини аңлатқан иди. У, бу қетимлиқ сәпиридә җәмий 8 миң километир йолни велисипитлик йүрүп тибәт дәвасини қилди.

Ринпо як америкида яшайдиған болуп, 2000- йилидин буян америкиниң һәрқайси штатлирини айлинип тибәт мәсилисини тонуштурмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.