Хитай даирилири тибәт районидики интернет вә янфон алақисини контрол қилиш үчүн мәхсус торлашқан көзитиш қурулушни тамамлиған.
Хитай ахбаратида хәвәр қилишичә, хитай һөкүмити бундин кейин тибәттики янфон вә интернет қолланғучилирини өзиниң һәқиқий исми билән тизимлитишни тәләп қилидикән.
Даириләр, тор алақисиниң кеңийишигә әгишип, "торда өсәк соз тарқитип, қалаймиқанчилиқ кәлтүрүп чиқириш қатарлиқ иҗтимаий җинайәтләрниң көпәйгәнлики, шуңа өз исми билән тизимлаш түзүми арқилиқ шу хилдики җинайәтләрниң алдини елишқа болидиғанлиқи" ни билдүргән.
Тибәткә қаритилған бу хил контроллуқларниң бирдинла күчәйтилиши, тибәт хәлқниң хитай коммунистлириға қарши давамлаштуруп келиватқан өзини көйдүрүп наразилиқ билдүрүш һәрикити йәнә баш көтүргән бир мәзгилгә тоғра кәлди.
Хитай даирилири өзини көйдүрүп қаршилиқ билдүргүчиләрни "зиянкәшликкә учриғучилар" дәп атиған вә "буларниң һәммисини далай лама гуруһи кәлтүрүп чиқарған" лиқини илгири сүргән иди.
Далай лама бүгүнки баянатида бу һәқтә тохтилип: тибәтләр һәр тәрәптин азаб чәкмәктә. Һазир пүтүн тибәтни вәһимә қалап кәтти, деди.
Хитай даирилири 2009-йилдики "5-июл қирғинчилиқи" дин кейинла уйғур елидики интернет чәклимисини һәссиләп ашурған вә бу йилниң бешида өз исми билән торға чиқиш қанунини иҗра қилишқа башлиған иди.
- Лагерда вәзипә өтигән сақчи нурмәмәт йүсүпниң өзини өлтүрүвалғанлиқи ашкариланди
- Доктурант фирқәт юнус: мениң бу нәтиҗилирим биздин бурунқиларниң мувәппәқийәтлиригә селиштурғанда һечнемә әмәс!
- Анализчилар әркин туниязниң уйғур аптоном райониға мувәққәт рәисликкә қоюлушидики арқа көрүнүш һәққидә тохталди
- Өркәш дөләт: "хитай һөкүмити уйғурларни бойсундуралмиғанлиқи үчүн ирқий қирғинчилиқ йүргүзүватиду"
- Һидайәтулла оғузхан: "дуня җамаитини шәрқий түркистан хәлқиниң мәвҗутлуқ күришини қоллашқа чақиримиз"
