Тибәт қозғилиңиниң 57 йиллиқи дағдуғилиқ хатириләнди


2016-03-10
Share

10‏- Март күни тибәтләрниң хитай коммунист һакимийитигә қарши күрәш қилған қозғилиңиға 57 йил толған күн.

Дуняниң һәрқайси җайлирида яшайдиған тибәтләр вә уларниң қоллиғучилири зор көләмлик намайишлар арқилиқ бу күнни хатирилигән. Америкиниң вашингтон, нюйорк вә бостон қатарлиқ шәһәрлиридиму намайишлар өткүзүлгән.

"америкида бүгүн" гезитиниң хәвиридин қариғанда, бүгүн йәнә америка дөләт мәҗлиси әзалиридин нәнси пелоси вә җим макговрнлар 1959-йилидики тибәт қозғилиңи мунасивити билән мәхсус баянат елан қилған. Улар баянатида хитай һөкүмитини тибәтләр билән сөһбәткә олтурушқа чақирған.

Баянатта мундақ дейилгән :

Хитай билән тибәт арисидики мәсилидә илгириләш һасил қилиш үчүн, хитай һөкүмити чоқум тибәт хәлқигә болған модидин қалған кона позитсийисини өзгәртип, улар билән диалог өткүзүши керәк. Далай лама билән алақә орнитиш тибәт үчүн йеңи бир келәчәк яритидиған ачқуч болуп, у тибәт мәдәнийити, дини вә тили, уларниң яшаш услубини қоғдашқа пайдилиқ.

Нәнси пилоси вә җим макговрнлар йәнә америка һөкүмитигиму мәсулийитини әскәртип "бизниң дөлитимизниң тибәттики вә шундақла хитайниң башқа җайлиридики кишилик һоқуқ мәсилилири һәққидә сөз қилидиған мәсулийити бар. Әгәр биз иқтисадий мәнпәәтләрни дәп хитайниң кишилик һоқуқ хатирисини бир чәткә қайрип қойсақ, у һалда бизниң дуняниң башқа җайлирида кишилик һоқуқни тилға алидиған йүзимиз қалмайду" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт